Finfine! Post longaj interparoloj kun la urba gvidantaro, en lastaj tagoj de novembro ni sukcesis interkonsenti kun la urbestro de Subotica, sinjoro Saša Vučinić: en majo 2012 Subotica digne rememoros sian elstaran loĝinton, honoran civitanon, verkiston, mondvojaĝanton, kiel, modeste, staras sur lia tomboŝtono - Tibor Sekelj.

La urbo en kiu li travivis la lastajn jarojn de sia vivo, preskaŭ ĝian kvaronon, la urbo kiu - jaron antaŭ lia forpaso - distingis lin per premio por viv-verko, en majo 2012 markos la centjaran datrevenon de lia naskiĝo.

Mia unua celo ne estas skribi pri Tibor, precipe ne pri la bone konatajn faktojn. Al unu mi tamen devas aludi: li naskiĝis en februaro, kaj oni prave povus demandi, kial do la omaĝo al naskiĝ-datreveno okazos en majo? Estas du, forte ligitaj kialoj. Unue, la 18-a de majo estas la Monda Tago de Muzeoj, kaj, Tibor inter 1972 kaj 1976 estis direktoro de la Urba Muzeo en Subotica. Tiujn faktojn ni konsideris kiam, ekde la unua momento, la manifestaĵon planis organizi inter la 18-a (vendredo) kaj 20-a (dimanĉo) de majo 2012.

Por ne paroli pri la nekontestebla fakto ke Subotica, kutime, pli belas en majo, ol en februaro...

Do, jen la unuaj, ankoraŭ ne kompletaj informoj pri la manifestaĵo. Ĝia kerno estos, laŭ nuna, provizora titolo, Ronda tablo pri la vivo kaj verko de Tibor Sekelj, kun proksimume 25 ĝis 30 invititaj partoprenontoj, kies referaĵoj, eseoj, estos prezentitaj en kelkaj sekcioj. Antaŭvidite estas ke, pere de interreto, la tuta programo de la Ronda Tablo estu videbla dise tra la mondo. Eĉ plie: ĉiu kiu volos, povos, pere de skajpo, partopreni la diskuton... En du lingvoj, nur, ĉar la tuta sesio iros en du (aŭ ni diru tri?) lingvoj: serba kaj/aŭ kroata, kaj Esperanto. Kun simultana traduko, memkompreneble.

Ho, jes: la plenajn tekstojn de referaĵoj kaj la diskuton ni planas eldoni libroforme.

Kvankam ni ankoraŭ antaŭ la Novjaro invitos la eventualajn partoprenontojn, ni petas ĉiujn kiuj povas valore kontribui al la temo(j) de la Ronda Tablo, tiujn pri kiuj ni ne havas informojn, ne hezitu, sed tuj kontaktu la ĉeforganizanton - la kontakt-adresojn vi trovos je la fino de ĉi teksto.

Ĉirkaŭ la Ronda Tablo okazos pluraj aliaj programoj, kies parto, memkompreneble, precipe estos destinita al la Suboticanoj, unuavice junaj. Ĉar ili, post ĉio kio okazis ĉirkaŭ ni en lastaj du jardekoj, tro malmulte scias pri Tibor... Paradokse, ĝuste Tibor mem estas la kontraŭo de ĉio tio. Do, antaŭvidita estas inaŭguro de memortabulo sur la domo en kiu Tibor vivis, literatura matineo dediĉita al liaj verkoj, prezento de libro „Similecoj kaj diversecoj", kun diversspecaj tekstoj pti Tibor kaj liaj verkoj, kolektoj (Marjorie Boulton, Teresa Nemere, Ĉen Juan, Milovan Miković kaj aliaj), nova - viva - prezento de komponaĵo de Szőllősi Vágó László, Barbarica Concertante, komponita por 14 instrumentoj el la kolekto de Tibor, instrumentoj el disaj partoj de la mondo, samtempe ĝia diska eldono, ekspozicio de libroj verkitaj far Tibor, spicita kun pluraj dokumentoj kaj (se ni sukcesos) ĝis nun nekonataj paperoj kaj verkoj, prezento de wikipediaj paĝoj pri Tibor... Kaj nun ni mencias la parton pri kio ni povas doni eĉ malpli da detaloj, ekzemple, programoj kiujn preparos la Urba Muzeo, eventuala revuo de liaj dokument- kaj vojaĝpriskribaj filmoj - kaj, ni supozas (ĉar la ideoj kaj interparoloj ankoraŭ pulsas), la listo ne estas finita.

Momente, pli-malpli, tiel staras la aferoj. Ni, kun bedaŭro mi devas konstati, perdis minimume tri monatojn (la interparoloj kun la urbaj gvidantoj komenciĝis frue printempe, kaj niaflanke ni povis interkonesnti jam dum la somero), sed kion fari: tiun tempon ni ne povas rericevi, restas nur ke ni plirapidigu la preparojn...

Ni supozas ke proksimume en februaro ni povos publikigi la precizan programon de la tuta manifestaĵo. Intertempe, ni petas ĉiujn ke la informojn el tiu ĉi artikolo, aŭ ĝin komplete, komatigu al la esperantista publiko, je ĉia ebla maniero. Tial ni tuj deklaras, ke la artikolo estas komplete publika, kaj iu ajna persono povas ĝin kopii kaj reaperigi, en taŭga formo, kompreneble, kaj ne ŝanĝante ĝian esencon.

Kaj fine, jen la promesitaj kontakt-adresoj: Ova adresa el. pošte zaštićena je od spam napada, treba omogućiti JavaSkript da biste je videli ; Ova adresa el. pošte zaštićena je od spam napada, treba omogućiti JavaSkript da biste je videli ; skajpo: georgius.dragojlovic; ipernity: www.ipernity.com/home/205558; twitter: @suwineknight

Komentari

Dodaj Novi Pretraga

Dodaj komentar
Ime:
Email:	bez obaveštenjasa obaveštenjem
Websajt:
Naslov:
UBBCode:	-boja-aquacrnaplavafuchsiasivazelenalimunastakestenjastatamno plavamaslinastaljubièastacrvenasrebrnatealbelažuta -veličina-sićušnomaloosrednjevelikoogromno
	Morate navesti anti-spam kod koji stoji na slici.

 

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."